ટ્વિન્કલ ખન્નાનું કહેવું છે કે બૉક્સ-ઑફિસને કૉન્સ્ટિપેશનથી ફ્રી કરવા માટે ‘ટૉઇલેટ...’ની જરૂર હતી. અક્ષયકુમારની ‘ટૉઇલેટ : એક પ્રેમ કથા’એ ઓપનિંગ વીક-એન્ડમાં

બૉક્સ-ઑફિસ પર ૫૧.૪૫ કરોડ રૂપિયાનો બિઝનેસ કર્યો છે. સલમાન ખાનની ‘ટ્યુબલાઇટ’ અને શાહરુખ ખાનની ‘જબ હૅરી મેટ સેજલ’ જ્યારે બૉક્સ-ઑફિસ પર નિષ્ફળ

રહી ત્યારે અક્ષયની ફિલ્મે ધમાલ મચાવી છે. ટ્વિન્કલે ખુશીમાં આવી ગઈ તેની સ્ટાઇલમાં ટ્વીટ કર્યું હતું કે ‘બૉક્સ-ઑફિસને કૉન્સ્ટિપેશનથી બ્રેક-ફ્રી કરવા માટે એને પણ ‘ટૉઇલેટ...’ની જરૂર પડી છે. હિટ હિટ હૂર્રે.’

 

અક્ષયકુમારની ‘ટૉઇલેટ : એક પ્રેમ કથા’એ ઓપનિંગ વીક-એન્ડમાં ૫૧.૪૫ કરોડ રૂપિયાનો બિઝનેસ કર્યો છે. ઓપનિંગ વીક-એન્ડ એટલે કે શુક્રવારે ૧૩.૧૦ કરોડ, શનિવારે

૧૭.૧૦ કરોડ અને રવિવારે ૨૧.૨૫ કરોડ સાથે ટોટલ ૫૧.૪૫ કરોડ રૂપિયાનો બિઝનેસ કર્યો છે. રવિવારે આ ફિલ્મ ૫૦ કરોડના આંકડાની નજીક આવશે એવી ધારણા રાખવામાં

આવી હતી, પરંતુ ફિલ્મે ધાર્યા કરતાં ખૂબ સારો બિઝનેસ કર્યો છે. અક્ષયની બાકી ફિલ્મોની જેમ આ પણ ખૂબ જલદી ૧૦૦ કરોડની ક્લબમાં એન્ટ્રી મારશે એવી આશા છે.

અક્ષયકુમાર બૉલીવુડમાં ખિલાડીકુમાર તરીકે પણ ઓળખાય છે અને હવે તે ફરી ઍક્શન ફિલ્મ કરવા માગે છે. અક્ષયકુમારે ‘ખિલાડી’ સિરીઝની ઘણી ફિલ્મો કરી છે અને ઘણાં

વર્ષ થઈ ગયાં છે તેણે આવી ફિલ્મો કરીને. અક્ષયના પણ ઘણા ફૅન્સ તેની ઍક્શન ફિલ્મની રાહ જોઈ રહ્યા છે. આ વિશે પૂછતાં અક્ષયકુમાર કહે છે કે ‘હું ઍક્શન ફિલ્મ કરવા તૈયાર છું

અને હું એની ઘણા સમયથી રાહ જોઈ રહ્યો છું. કોઈ મારી પાસે ઍક્શન-સ્ક્રિપ્ટ લઈને આવે એની હું રાહ જોઈ રહ્યો છું. ફરી ખિલાડી બનવાની મને ખૂબ મજા આવશે.’

 

અક્ષયકુમાર અને અર્જુન કપૂર વચ્ચે કોઈ પ્રૉબ્લેમ નથી ચાલી રહ્યો. અક્ષયકુમારની ‘નમસ્તે કૅનેડા’ અર્જુનને ઑફર થતાં તેમની વચ્ચે પ્રૉબ્લેમ હોવાની ચર્ચા ચાલી હતી.

જોકે હકીકત એ છે કે અર્જુનને જેવી આ ફિલ્મની ઑફર કરવામાં આવી કે તરત તેણે અક્ષયને ફોન કર્યો હતો. તેની સાથે વાત કર્યા બાદ અજુર્ને ફિલ્મ સ્વીકારી હતી. એવી પણ

ચર્ચા ચાલી હતી કે અજુર્ને ફિલ્મ સ્વીકારી હોવાથી અક્ષયકુમારે ‘નમસ્તે ઇંગ્લૅન્ડ’ નામ નહોતું આપ્યું. પ્રોડ્યુસર વિપુલ શાહ સાથેના મતભેદને લઈને અક્ષયે નામ નહોતું આપ્યું, અર્જુનને કારણે નહીં.

સોશ્યલ મીડિયા પર કાજોલે કરણનાં ટ્વિન્સના ફોટોને ‘લાઇક’ કર્યો એ પછી કરણે ફરીથી કાજોલને ‘ફૉલો’ કરવાનું શરૂ કરી દીધું છે. બન્ને વચ્ચે પડેલી તિરાડ સાંધવાનું પહેલું કામ કાજોલે કર્યું હતું. તેણે પાંચમી ઑગસ્ટે પોતાના બર્થ-ડેની ઉજવણીમાં કરણને ઇન્વાઇટ કર્યો હતો. આ સેલિબ્રેશનમાં બન્નેએ ઘણી વાત કરી હતી, પણ ભૂતકાળને નહોતો ઉખેડ્યો.

કરણે કાજોલ વિશે તેની પીઠ પાછળ કરેલી અણછાજતી કમેન્ટને કારણે ૨૦૧૫માં બન્નેના સંબંધો બગડ્યા હતા. ત્યાર પછી કરણની ‘અય દિલ હૈ મુશ્કિલ’ અને અજય દેવગનની ‘શિવાય’ની ટક્કરને લીધે એમાં વધુ પ્રૉબ્લેમ થયો હતો. કરણે તો આત્મકથામાં ત્યાં સુધી લખી નાખ્યું હતું કે મારા જીવનમાં કાજોલ નામનું પ્રકરણ હવે નથી રહ્યું.જોકે તેમના પૅચઅપે સાબિત કરી દીધું છે કે બૉલીવુડમાં કોઈ કાયમી દોસ્ત કે દુશ્મન નથી હોતું.

ફિલ્મના પ્રમોશન માટે તેમણે હેલિકૉપ્ટર વડે સ્ટાઇલિશ એન્ટ્રી મારી હતી. તેઓ દિલ્હીની એક ક્લબ અને યુનિવર્સિટીમાં ફિલ્મને પ્રમોટ કરવા ગયાં હતાં.

દિલ્હીના લોકોનો આભાર માનતાં શાહરુખે ટ્વીટ કર્યું હતું કે ‘મને ઘણોબધો પ્રેમ આપવા બદલ હું મારી દિલ્હીનો આભાર માનું છું. જોકે હું કેટલાક ઇન્ટરવ્યુ પૂરા

નથી કરી શક્યો એ બદલ માફી માગું છું. હું બહુ જલદી પાછો આવીશ.’

બનારસી પાન બન્યું શાહરુખ પાન

શાહરુખ ખાનના નામ પરથી હવે બનારસી પાનને શાહરુખ પાન નામ આપવામાં આવ્યું છે. શાહરુખ હાલમાં જ અનુષ્કા શર્મા અને ઇમ્તિયાઝ અલી સાથે તેમની

આજે રિલીઝ થઈ રહેલી ફિલ્મ ‘જબ હૅરી મેટ સેજલ’ને પ્રમોટ કરવા માટે વારાણસી ગયો હતો. ત્યાં તેમણે ૭૦ વર્ષ જૂની તંબુલમ પાન શૉપમાં બનારસી પાન ખાધું હતું.

આ દુકાન ચલાવતા સતીશ કુમારે શાહરુખે પાન ખાધું હોવાથી તેના મીઠા પાનને શાહરુખ પાન નામ આપી દીધું છે અને એની કિંમત વધારીને ૩૫ રૂપિયા કરી દીધી છે.

શ્રીદેવી અને બોની કપૂરની દીકરી જાહ્નવી કપૂર જુહુમાં એક સેલોન માંથી બહાર નીકળતી જોવા મળી હતી અને સવારે બાંદરામાં ડાન્સ-ક્લાસમાંથી બહાર નીકળતી જોવા મળી હતી.લાગે છે જાહ્નવી પોતાની ડેબ્યુ ફિલ્મ માટે કોઈ પણ પ્રકારનો ચાન્સ લેવા નથી માગતી અને તે ડાન્સ-ટ્રેઇનિંગથી લઈ મેકઓવર સુધીની દરેક બાબતનું ધ્યાન રાખી રહી છે.

સૈફ અલી ખાનની દીકરીના ડેબ્યુ વિશે પૂછતાં કરીના કપૂર ખાને કહ્યું,બેબો કી અદા - કરીના કપૂર ખાને ગઈ કાલે બાંદરામાં યોજાયેલી એક ઇવેન્ટમાં પ્રેગ્નન્સી પર આધારિત બુકને લૉન્ચ કરી હતી. આ ઇવેન્ટમાં કરીના અલગ જ સ્ટાઇલમાં દેખાઈ હતી. ફોટો માટે તેના પોઝની અદા પણ અલગ હતી.

કરીના કપૂર ખાનનું કહેવું છે કે તેના પતિ સૈફ અલી ખાનની દીકરી સારા અલી ખાન બૉલીવુડમાં ધૂમ મચાવી દેશે. સારા બૉલીવુડમાં સુશાંત સિંહ રાજપૂત સાથેની ફિલ્મ ‘કેદારનાથ’ દ્વારા એન્ટ્રી કરી રહી છે. આ વિશે પૂછવામાં આવતાં કરીના કહે છે, ‘મને ખબર છે કે સારા ખૂબ જ ટૅલન્ટેડ છે. ટૅલન્ટ એના જીન્સમાં છે. તે ખૂબ જ સુંદર પણ દેખાય છે. મને ખાતરી છે કે તેની સુંદરતા અને ટૅલન્ટ દ્વારા તે બૉલીવુડમાં ધૂમ મચાવી દેશે.’

સોનમ કપૂર બહુ જલદી તેના બૉયફ્રેન્ડ આનંદ આહુજા સાથે લગ્ન કરશે એવી ચર્ચા ચાલી રહી છે.

સોનમ લગભગ એક વર્ષથી દિલ્હીના બિઝનેસમૅન આનંદને ડેટ કરી રહી છે. તેમને એક વર્ષ થઈ ગયું હોવાથી અનિલ કપૂર ઇચ્છે છે કે સોનમ હવે લગ્ન કરી લે. અનિલ કપૂરે પણ એક વર્ષ ડેટ કર્યા બાદ લગ્ન કરી લીધાં હતાં અને તે હવે તેની દીકરી માટે પણ એવું જ ઇચ્છે છે. સોનમના ફ્રેન્ડ્સ અનિલ કપૂરને આટલી જલદી લગ્ન માટે ના પાડી રહ્યાં છે, કારણ કે એનાથી તેની કરીઅર પર અસર પડી શકે છે. જોકે સોનમ એ બધી બાબતોને ધ્યાનમાં નથી લઈ રહી અને તે પણ લગ્ન વિશે વિચારી રહી હોવાની ચર્ચા છે.

ગોવિંદાએ તેનાં દૃશ્યોનું શૂટિંગ સાઉથ આફ્રિકામાં કર્યું હતું. અનુરાગ બાસુએ હાલમાં જ કહ્યું હતું કે ગોવિંદાનું પાત્ર ફિલ્મમાં ન હોવાની તેમને ખોટ સાલી રહી છે, પરંતુ એ નિર્ણય ફિલ્મની સ્ટોરીમાં બદલાવ કરવામાં આવ્યો હોવાથી લેવામાં આવ્યો હતો. ગોવિંદાએ કહ્યું હતું કે ત્રણ વર્ષ બાદ અનુરાગ બાસુએ આ વિશે મોં ખોલ્યું એની તેને ખુશી છે. તેનું પાત્ર ફિલ્મમાં લેવામાં નહીં આવ્યું એ વિશે ગોવિંદાએ ટ્વિટર પર ઘણીબધી ટ્વીટ કરતાં કહ્યું હતું કે ‘મેં કપૂર ફૅમિલીને તમામ રિસ્પેક્ટ આપ્યો છે. રણબીર મારા સિનિયરનો દીકરો હોવાથી મેં એ ફિલ્મ કરી હતી. મને એમ કહેવામાં આવ્યું હતું કે તેઓ મને ãસ્ક્રપ્ટ આપશે. મને એમ પણ કહેવામાં આવ્યું હતું કે તેઓ સાઉથ આફ્રિકામાં ફિલ્મનું નરેશન કરશે. મેં આ ફિલ્મની સાઇનિંગ અમાઉન્ટ પણ નહોતી લીધી અને કૉન્ટ્રૅક્ટ પણ નહોતો કર્યો. હું બીમાર હતો તેમ છતાં મેં સાઉથ આફ્રિકા જઈને શૂટિંગ કર્યું હતું. આ ફિલ્મને લઈને ફક્ત નેગેટિવ સ્ટોરીઓ જ આવી હતી અને એ પણ ફક્ત ગોવિંદાની. ત્રણ વર્ષ સુધી આ ફિલ્મને ફક્ત એ માટે જ યાદ કરવામાં આવી હતી. એક ઍક્ટર તરીકે મેં મારું કામ કર્યું હતું, પરંતુ ફિલ્મમાં મને લેવામાં ન આવ્યો એ માટે ડિરેક્ટર જવાબદાર છે.’

અક્ષયકુમારે તેની આગામી ફિલ્મ ‘ગોલ્ડ’નો ફર્સ્ટ લૂક ટ્વિટર પર શૅર કર્યો છે.આ ફિલ્મનું શૂટિંગ તેણે લંડનમાં શરૂ કર્યું છે અને પહેલો દિવસ હોવાથી લોકો તેની ફિલ્મને પ્રેમ અને શુભેચ્છા પાઠવે એવી આશા રાખી છે. આ ફિલ્મ દ્વારા ટીવી-સિરિયલ ‘નાગિન’માં જોવા મળેલી મૌની રૉય બૉલીવુડમાં લીડ હિરોઇન તરીકે એન્ટ્રી કરી રહી છે. મૌનીએ ‘તુમ બિન ૨’માં નાનકડી ભૂમિકા ભજવી હતી. સલમાન ખાનના પ્રોડક્શન-હાઉસ દ્વારા મૌની બૉલીવુડમાં એન્ટ્રી કરશે એવી પણ ચર્ચા ચાલી હતી. જોકે હવે ફરહાન અખ્તર અને રિતેશ સિધવાણીના પ્રોડક્શન-હાઉસ દ્વારા બની રહેલી ‘ગોલ્ડ’નું શૂટિંગ મૌનીએ શરૂ કર્યું છે. સ્વતંત્ર ભારતે પહેલી વાર ૧૯૪૮માં લંડનમાં યોજાયેલી ઑલિમ્પિક્સમાં હૉકીમાં ગોલ્ડ મેડલ જીત્યો હતો. આ વિષય પર ફિલ્મ બની રહી છે, જેમાં અક્ષયકુમાર મુખ્ય પાત્રમાં છે. આ ફિલ્મ ૨૦૧૮ની ૧૫ ઑગસ્ટે રિલીઝ કરવામાં આવશે.

આ ફિલ્મને કેટલાક દર્શકોએ પસંદ કરી છે તો કેટલાકે સલમાનની રૂટીન ફિલ્મો જેવી ન હોવાથી એને પસંદ નહોતી કરી. આ ફિલ્મને ક્રિટિક્સ દ્વારા પણ મિક્સ રિવ્યુ મળી રહ્યા છે. ‘ટ્યુબલાઇટ’એ શુક્રવારે ૨૧.૧૫ કરોડ, શનિવારે ૨૧.૧૭ કરોડ, રવિવારે ૨૨.૪૫ કરોડ, સોમવારે ૧૯.૦૯ કરોડ અને મંગળવારે ૧૨ કરોડ રૂપિયાનો બિઝનેસ કર્યો છે. આ ફિલ્મ ઈદ પર સૌથી ઓછો બિઝનેસ કરતી ફિલ્મ બની છે.સલમાન ખાનની ‘ટ્યુબલાઇટ’માં શાહરુખ ખાને નાનકડી ભૂમિકા ભજવી હતી અને શાહરુખની ફિલ્મમાં સલમાન જોવા મળશે એવી શક્યતા છે. આનંદ એલ. રાયની ફિલ્મમાં સલમાન નાનકડી ભૂમિકામાં જોવા મળે એવી ચર્ચા છે. આ ફિલ્મમાં શાહરુખની સાથે કૅટરિના કૈફ અને અનુષ્કા શર્મા પણ છે, જેઓ ફિલ્મમાં પોતાનું જ પાત્ર ભજવી રહ્યાં હોવાની ચર્ચા છે. તેથી સલમાન પણ આ ફિલ્મમાં પોતાનું પાત્ર ભજવે એવી શક્યતા છે. જોકે શાહરુખે આ માટે તેના ચાહકોને રાહ જોવાનું કહ્યું છે. આ વિશે જણાવતાં શાહરુખે કહ્યું હતું કે ‘આ ફિલ્મમાં એક નાનકડી ભૂમિકા છે, જેને માટે સલમાનને લેવામાં આવે એવું હું ઇચ્છું છું. આ પાત્ર પર હજી કામ ચાલી રહ્યું છે, પરંતુ હું ઇચ્છું છું કે એ સલમાન ભજવે. મેં હજી સલમાન સાથે આ વિશે વાત નથી કરી. હું અને સલમાન મધરાત બાદ ત્રણ વાગ્યે જ મળીએ છીએ. તેથી અમને સમય ક્યારે મળે એની હું રાહ જોઈ રહ્યો છું.

‘ક્યોંકિ... સાસ ભી કભી બહૂ થી’ દ્વારા ટીવી-સિરિયલમાં એન્ટ્રી કરનાર મૌની આજે ટીવીમાં ખૂબ જ જાણીતું નામ બની ગઈ છે. મૌનીની ‘નાગિન’ને ખૂબ જ પસંદ કરવામાં આવી હોવાથી એની બીજી સીઝન પણ બનાવવામાં આવી હતી અને હવે તે ત્રીજી સીઝનમાં પણ જોવા મળશે. મૌનીએ ‘તુમ બિન ૨’માં નાનકડી ભૂમિકા ભજવી હતી. સલમાન ખાનના પ્રોડક્શન-હાઉસ દ્વારા મૌની બૉલીવુડમાં એન્ટ્રી કરશે એવી પણ ચર્ચા ચાલી હતી. જોકે હવે ફરહાન અખ્તર અને રિતેશ સિધવાણીના પ્રોડક્શન-હાઉસ દ્વારા બની રહેલી ફિલ્મમાં મૌની જોવા મળશે. સ્વતંત્ર ભારતે પહેલી વાર ૧૯૪૮માં લંડનમાં યોજાયેલી ઑલિમ્પિક્સમાં ગોલ્ડ મેડલ જીત્યો હતો. આ વિષય પર ફિલ્મ બની રહી છે, જેમાં અક્ષયકુમાર મુખ્ય પાત્રમાં છે. મૌની ઑગસ્ટમાં ૨૦-૨૫ દિવસ સુધી આ ફિલ્મનું શૂટિંગ કરશે. તેનાં મોટા ભાગનાં દૃશ્યો અક્ષયકુમાર સાથે જ જોવા મળશે. આ ફિલ્મ ૨૦૧૮ની ૧૫ ઑગસ્ટ દરમ્યાન રિલીઝ કરવામાં આવશે.