મુખ્ય મંત્રી શ્રી વિજયભાઈ રૂપાણીએ રાષ્ટ્રના ૭૧મા સ્વાતંત્ર્ય પર્વ નિમિત્તે છ કરોડ ગુજરાતીઓને શુભેચ્છા પાઠવતાં કહ્યું કે, ‘‘સૌનો સાથ સૌનો વિકાસ’’ના મંત્રને ચરિતાર્થ કરીને આપણે સૌ એક થઇ – નેક થઇને સુરાજ્યનું નિર્માણ કરવા આહ્વાન કર્યું છે. તેમણે ૭૧મા સ્વાતંત્ર્ય પર્વે રાજયના સુશાસનને વધુ સુદૃઢ બનાવવાની અમારી નેમ છે તેમ જણાવી કહ્યું કે, ૩૬૫ દિવસમાં ગુજરાતની નિર્ણાયક સરકારે ૩૬૫થી વધુ જનહિતકારી નિર્ણયો કર્યા છે અને ૮૦ હજારથી વધુ યુવાનોને એક વર્ષના ટૂંકાગાળામાં રોજગારી આપી છે.

 

મુખ્ય મંત્રી શ્રી વિજયભાઈ રૂપાણીએ સ્વાતંત્ર્ય પર્વ નિમિત્તે પ્રજાજોગ સંદેશો પાઠવતાં જણાવ્યું છે કે, આપણે ૭ દાયકાથી આઝાદીની આબોહવામાં પ્રગતિ કરી રહ્યા છીએ. હિન્દુસ્તાનને સ્વરાજ મળ્યું ૧૯૪૭માં, પણ આપણા આઝાદીના જંગની તવારીખમાં તો નેવું વર્ષની લાંબી સંઘર્ષયાત્રા રહી છે.

પૂજય મહાત્મા ગાંધી, સરદાર વલ્લભભાઈ પટેલ, શ્યામજી કૃષ્ણ વર્મા જેવા અનેક-અનેક પરાક્રમી પૂર્વજોએ ભારતમાતાને ગુલામીની ઝંઝીરોમાંથી મુકત કરવા આહૂતિ આપી હતી. આઝાદીની તમન્નામાં જિંદગી ખપાવી દેનારા બધા ક્રાંતિકારી ત્યાગી-તપસ્વી શહીદો અને વીર પૂર્વજોને વંદન કરવાનો, તેમનું ઋણ સ્વીકાર કરવાનો આ સ્વાતંત્ર્ય દિવસ એક અવસર છે.

હિન્દુસ્તાનના આ ૯૦ વર્ષના સ્વાતંત્ર્ય જંગમાં ગુજરાત હંમેશા અગ્રીમ રહ્યું છે. સ્વાતંત્ર્ય-સ્વરાજ્યની પ્રાપ્તિ પછી સુરાજ્યની યાત્રા એ આપણી મંઝીલ હતી. આપણે સ્વરાજ્ય મેળવ્યું પણ સુરાજ્યનું સપનું અધુરૂં રહી ગયું હતું. આઝાદીના ૬ દાયકા સુધી દેશવાસીઓના સુરાજ્યના સપનાં સાકાર થયા નહિ. આવા ઘોર નિરાશાના વાતાવરણમાંથી હવે દેશ સુરાજ્ય અને સુશાસનની કેડી કંડારી રહ્યો છે.

ગૌરવ તો એ વાતનું છે કે, સુરાજ્ય અને સુશાસનની આ મંઝિલનું નેતૃત્વ પણ ગુજરાતના જ એક સપૂત-આપણા લોકલાડીલા વડાપ્રધાન શ્રી નરેન્દ્રભાઇ મોદી કરી
રહ્યા છે.

મુખ્ય મંત્રીશ્રીએ જણાવ્યું હતું કે, શ્રી નરેન્દ્રભાઇએ સવાસો કરોડ દેશવાસીઓને  ‘દેશ બદલ રહા હૈ’ની પ્રત્યક્ષ અનુભૂતિ કરાવી છે. યુવા વર્ગ હોય કે ખેડૂતો, ગ્રામીણ હોય કે નારીશકિત હોય કે, વંચિત હોય કે ગરીબ અદના નાગરિકો; સૌ કોઇને વિકાસના સમાન અવસર શ્રી નરેન્દ્રભાઇએ આપ્યા છે. સ્ટાર્ટઅપ ઇન્ડીયા, પ્રધાનમંત્રી ફસલ વિમા યોજના, ઉજ્જવલા, ઊજાલા, જન ધન યોજના, આવી અનેકાનેક પહેલરૂપ યોજનાઓથી ભારત એક શકિતશાળી અને વિકાસશીલ રાષ્ટ્ર તરીકે વિશ્વમાં ઉભરી આવ્યું છે. નોટબંધીનો નિર્ણય હોય કે પછી સર્જીકલ સ્ટ્રાઇક હોય શ્રી નરેન્દ્રભાઈએ દેશની પ્રતિષ્ઠાને ગૌરવ અપાવ્યું છે.

શ્રી નરેન્દ્રભાઇએ ગુજરાતના મુખ્યમંત્રી તરીકે રાજ્યના વિકાસની જે નવી ઊંચાઇઓ અને વૈશ્વિક બેંચમાર્ક પ્રસ્થાપિત કર્યા હતા તેને આજે કાશ્મીરથી કન્યાકુમારી અને અંબાજીથી આસનસોલ-આખોય દેશ એકરૂપ બનીને અનુસરે છે. ભારત એક રાષ્ટ્ર તરીકે આજે વિશ્વભરમાં જગતગુરૂ બનવા સક્ષમ બન્યું છે. શ્રી નરેન્દ્રભાઇએ વિકાસની રાજનીતિનો જેના થકી નવો અધ્યાય રચ્યો છે તે જ ‘‘સૌનો સાથ સૌનો વિકાસ’’ આપણો મંત્ર બન્યો છે. હું સ્પષ્ટપણે માનું છું કે, વડાપ્રધાન શ્રી નરેન્દ્રભાઇ મોદીએ વિકાસની વ્યાખ્યા આપી છે. જાહેરજીવનમાં ખૂબ જ ઊંચા મૂલ્યોને પ્રસ્થાપિત કર્યા છે.

તેમણે કહ્યું હતું કે, આજના આ વૈશ્વિક સ્પર્ધાના યુગમાં વિકાસની ચર્ચા થાય, સ્પર્ધા થાય એ સ્પર્ધાના આધારે જ વિકાસનું મૂલ્યાંકન થાય. હવે વિકાસ વગર ચાલવાનું નથી. ચાલશે પણ નહીં, વિકાસને દોડાવવો પડશે. લોકોના કામ જલ્દી થાય, લોકોને કામની ડિલિવરીમાં રસ છે. વિકાસના પરિણામો લોકો જૂએ છે.

રાજનીતિનું જે કલેવર બદલાયુ છે તે અનુસાર વિકાસની રાજનીતિ સાથે સંપૂર્ણ પારદર્શિતા, ભ્રષ્ટાચારમુક્ત વ્યવસ્થા નિર્ણાયકતા, સંવેદનશીલતા અને પ્રગતિશીલતાના સુશાસન સ્તંભ પર ગુજરાતમાં અમારી સરકારે કામ કરી રહી છે. એમ કહીને શ્રી વિજયભાઈ રૂપાણીએ જણાવ્યું હતું કે, સરકાર અને પ્રજા વચ્ચે એક આત્મિય સંબંધો ઉભા થયા છે. આજના આ ૭૧મા સ્વાતંત્ર્ય પર્વ નિમિત્તે અમારો પ્રયાસ છે સુશાસનને વધુ મજબૂત બનાવવું. 

માત્ર સત્તા ચલાવવી કે સરકાર ચલાવવી એવા સીમિત ઉદ્દેશ્યથી અમે કામ કરનારા લોકો નથી. ૭૧મા આઝાદી પર્વે ગૌરવ સાથે કહેવું છે કે, સત્તાને સેવાનું માધ્યમ બનાવી જન-જનનો વિકાસ, દરેકની સુખાકારીની ખેવના, છેવાડાના માનવી સુધી સુવિધા અને વિકાસના ફળો પહોચાડવા અમે સફળતાપૂર્વકનો જનસેવા યજ્ઞ આદર્યો છે. આ જનસેવાને વરેલી અમારી સરકારે એક વર્ષમાં ૩૬પ દિવસમાં  પોણા પાંચસોથી વધુ લોકોના સુખના નિર્ણયો કરીને સાચા અર્થમાં ગુજરાત ઓન ફાસ્ટ ટ્રેક અભિગમ અપનાવ્યો છે.

ગુજરાત સરકાર યુવાનો અને વિદ્યાર્થીઓની સરકાર છે. ૬પ ટકાથી વધુ જનસંખ્યા આજે ગુજરાતમાં ૩પ વર્ષથી નીચેની છે. યુવાનોની શકિતનો ઉપયોગ રાષ્ટ્રનિર્માણમાં યોગ્ય રીતે થાય તે અમારી દિશા છે. ગુજરાતમાં આપણે યુવાશકિતને અનેક નવા અવસરો આપીને વિશ્વની સમકક્ષ કરવાનો આપણો પ્રયત્ન છે. રાજ્યના હોનહાર યુવાનો-વિદ્યાર્થીઓને નવિન વિચારોને મૂર્તિમંત કરવાતેમને પાંખો આપવા  સ્ટાર્ટ અપ મિશનથી જોડીએ છીએ. યુવાશક્તિ રોજગાર માટે બેરોજગાર થઇને, લાચાર થઇને બેસે નહીં. યુવાશક્તિને રોજગારી મળે એ જોબ સીકર નહિ, જોબ ગીવર બને તેવો રાજ્ય સરકારનો ધ્યેય છે.

આજના આધુનિક યુગમાં યુવાનને આંગળીના ટેરવે વિશ્વ આખાનો જ્ઞાન ભંડાર સરળતાથી મળી રહે તે સરકારની નેમ છે, એમ કહીને શ્રી વિજયભાઈ રૂપાણીએ જણાવ્યું હતું કે, સાડા ત્રણ લાખ કોલેજીયન વિદ્યાર્થીઓને ટેબલેટ આપવાની યોજના શરૂ કરી દીધી છે. રાજ્યના વહીવટમાં યુવાશકિતના જોમ-જુસ્સા તરવરાટથી રાજ્યનો વહીવટ પણ નવી યુવાની પ્રાપ્ત કરે તે માટે આ એક જ વર્ષમાં ૮૦ હજારથી વધુ યુવાનોને સરકારી નોકરી આપવામાં આવી છે. સરકારી સેવાઓમાં GPSCની વર્ગ-૧ અને વર્ગ-રની સ્પર્ધાત્મક પરીક્ષાઓ નિયમિત બે વર્ષે થાય તેવો નિર્ણય કર્યો છે. ‘હર હાથ કો કામ’ એ પંડિત દીનદયાળજીની પરિકલ્પનાને શાસન મંત્ર બનાવ્યો છે.

આ સરકાર ખેડૂતોની સરકાર છે. રાજ્યના ખેડૂતોનું હિત સરકારને હૈયે વસેલું છે. ખેડૂતના બાવડામાં કૃષિ કલ્યાણ યોજનાઓથી આ સરકારે નવું બળ પૂર્યું છે, એમ કહીને શ્રી રૂપાણીએ ઉમેર્યું હતું કે, રાજ્યની પ૮ ટકા જમીન સૂકી, ખારાશવાળી અને રણપ્રદેશની હોવા છતાંય ખેતીમાં હાઇએસ્ટ પ્રોડકશન થાય, પાછલા દોઢ દાયકામાં કૃષિ વિકાસ દર ડબલ ડિઝીટે પહોંચાડયો છે.

આ ૭૧મા સ્વાતંત્ર્ય દિવસે સૌથી મોટી ખુશીની વાત એ છે કે ૧૯૪૬માં સરદાર વલ્લભભાઈ પટેલે નર્મદા યોજના- સરદાર સરોવર ડેમની કલ્પના કરી હતી-સ્વપ્ન સેવ્યું હતું અને ર૦૧૭માં શ્રી નરેન્દ્રભાઈ  મોદીએ- ભારતના વડાપ્રધાને દરવાજા બંધ કરવાની પરવાનગી આપીને ડેમનું સંપૂર્ણ કામ પુરૂં કર્યું છે. ડેમના દરવાજા બંધ કરીને ગુજરાતના વિકાસના દરવાજા સંપૂર્ણ ખોલી આપ્યા છે. શ્રી નરેન્દ્રભાઈ મોદીનો આભાર માનતાં મુખ્ય મંત્રીશ્રીએ જણાવ્યું હતું કે, હવે ગુજરાતને દશે-દિશાએથી આપણે વિકાસ તરફ લઇ જવા માંગીએ છીએ.

તેમણે કહ્યું હતું કે, આ સરકાર વંચિતો-ગરીબોની સરકાર છે. દરેક નાગરિકના નાના-મોટા પ્રશ્નોનો સમયસર અને ધક્કા ખાધા વગર, પૈસા દીધા વગર પૂરાં થાય એટલા માટે સ્થળ પર  જ સરળ ઉકેલ લાવવામાં માનનારી સરકારે ૬૮ લાખથી વધુ લોકોએ ઘર આંગણે પ્રશ્નો ઉકેલીને સુરાજ્યના ફળ લોકો સુધી પહોંચાડયા છે. 

કુદરતી આફતો માટે પણ પુરુષાર્થનો જંગ સરકારે લડ્યો છે, પ્રજાએ લડ્યો છે. ગુજરાતે લડ્યો છે.  તાજેતરમાં જ બનાસકાંઠા-પાટણમાં પૂરનું જે તાંડવ થયું, પાણીનો પ્રકોપ થયો એની સામે પણ ગુજરાત-પ્રજા-સરકાર-તંત્ર-લશ્કર- એન.ડી.આર.એફ. આપણે સહુ સાથે મળીને, એ બચાવનું કામ હોય કે રાહતનું કામ હોય. સરકાર આખી બનાસકાંઠામાં પહોંચી ગઇ હતી. પાંચ-પાંચ દિવસ સુધી આખી સરકારે લોકો વચ્ચે રહી લોકોને હૂંફ આપીને ત્યાં ને ત્યાં લોકોપયોગી નિર્ણય કરીને સરકારે રૂા.૧૫૦૦ કરોડનું પેકેજ જાહેર કરીને દુઃખમાં લોકોની પડખે ઉભા રહીને લોકોને નવો જોમ અને જુ્સ્સો આપ્યા છે. પૂરનો પ્રકોપ - થવાનું હતું તે થયું છે, પરન્તુ હવે માનવીનો પુરુષાર્થ એને ઉભો કરવાનો છે.  બનાસકાંઠા અને પાટણ ઝડપથી જ્યાં પણ અસર થઇ છે એમાંથી આપત્તિને અવસરમાં પલટાવીને આપણે આગળ વધીએ. ગુજરાતની જનતાએ એક સાથે ઉભા રહીને સહકાર આપ્યો છે. એમને પણ આજના દિવસે અભિનંદન આપું છું. ગુજરાતની વિકાસ યાત્રામાં જોડાવા આ સ્વાતંત્ર્ય દિન નિમિત્તે આપ સહુને આહ્વવાન કરું છું.              

મુખ્ય મંત્રી શ્રી વિજયભાઈ રૂપાણીએ લોકોને આહ્વાન આપતાં જણાવ્યું હતું કે, ચાલો, આપણે સહુ સાથે મળીને વિકાસની આ યાત્રામાં - પ્રગતિની યાત્રામાં ગુજરાત ગ્રોથ એન્જિન બની રહ્યું છે ત્યારે આપણે આઝાદીના પર્વની સાચા અર્થમાં સુરાજ્યનો સંકલ્પ કરીને આપણે સહુ, સૌનો સાથ- સૌનો વિકાસ, જ્ઞાતિ-જાતિ-ધર્મો-પ્રાન્ત, ભાષાથી ઉપર ઉઠીને સૌ એક થઇને - નેક થઇને આ સ્વાતંત્ર્ય દિન નિમિત્તે સુરાજ્યની કલ્પના કરીને સારામાં સારું સ્વરાજ્ય આપણે સહું ઉભું કરીએ. ભષ્ટ્રાચાર મુક્ત - ગરીબી મુક્ત, શોષણયુક્ત આપણે ગુજરાતને આગળ વધારીએ અને ભારતને જગતજનની બનાવીએ, પરમ વૈભવ પર બિરાજીત કરીએ. તેમણે સ્વાતંત્ર્ય પર્વ નિમિત્તે સહુને હાર્દિક શુભકામનાઓ પાઠવી હતી. 

મંગળવારે રાજ્યસભાની ત્રણ બેઠકો માટે યોજાયેલી ચૂંટણી ખરેખર ગુજરાતના ઈતિહાસમાં અદભુત રહેવા પામી છે. 8 કલાકના વિલંબ બાદ રાત્રે 1.45 વાગે શરૂ થયેલી મતગણતરીમાં કોંગ્રેસના દિગ્ગજ નેતા અહેમદ પટેલનો વિજય થયો હતો. તેમને જીતવા માટે જરૂરી 44 મત મળ્યા હતા. આ સાથે જ ભાજપના અમિત શાહ 46 અને સ્મૃતિ ઈરાનીનો પણ 46 મત સાથે વિજય થયો હતો. જ્યારે કોંગ્રેસ છોડી ભાજપમાં પ્રવેશેલા બળવંતસિંહ રાજપુતને 38 મત મળતા તેમનો પરાજય થયો હતો.

આ અગાઉ કોંગ્રેસના બે બળવાખોર ધારાસભ્યોએ પોતાનો મત ભાજપના રાષ્ટ્રપ્રમુખ અમિત શાહને બતાવતા કોંગ્રેસે તેનો ઉગ્ર વિરોધ કરી સમગ્ર બાબત છેક દિલ્હી ચૂંટણીપંચ સુધી પહોંચાડી હતી. મોડી રાત્રે પંચે આ બે મત રદ ગણી મતગણતરીનો આદેશ આપ્યો હતો. જોકે, ભાજપે પંચના નિર્ણયનો વિરોધ કરીને તેમણે ઉઠાવેલા વાંધાનો નિકાલ નહીં આવ્યો હોવાનું જણાવી મતગણતરી અટકાવી રાખી હતી. દરમિયાનમાં આ અગાઉ ગુજરાતમાં રાજ્યસભાની ત્રણ બેઠકો માટે મંગળવારે થયેલા મતદાન બાદ કોંગ્રેસની ફરિયાદને પગલે મતગણતરી વિલંબમાં મુકાઈ હતી. કોંગ્રેસે પોતાના બે બળવાખોર ધારાસભ્યોના વોટ રદ કરવાની માગણી કરતા મતગણતરીનું સમયપત્રક ખોરવાયું હતું તો ભાજપે ગણતરી તત્કાળ શરૂ કરવા ચૂંટણીપંચ સમક્ષ અપીલ કરી હતી.

કૉંગ્રેસ ઉપાધ્યક્ષ રાહુલ ગાંધી ગુજરાત પ્રવાસે છે. રાહુલ ગાંધી  ધાનેરાના લાલચોકથી હેલિપેડ તરફ જઇ રહ્યા હતા

ત્યારે તેમની કાર પર પથ્થરમારો કરવામાં આવ્યો હતો. રાહુલ ગાંધીની કાર પર પથ્થરમારાની ઘટનાને મુખ્યમંત્રી

વિજય રૂપાણીએ વખોડી હતી. મુખ્યમંત્રી વિજય રૂપાણીએ જવાબદારો સામે કડક કાર્યવાહી કરવાના આદેશ આપ્યા છે.

 

કૉંગ્રેસ નેતા ભરત સિંહ સોલંકીએ આ મામલે ન્યાયિક તપાસનની માંગ કરી હતી.

 

આ હુમલાને લઈને બનાસકાંઠા એસપી નીરજ બડગુજરે રાહુલ ગાંધીને જવાબદાર ગણાવ્યા હતા. તેમણે કહ્યું, અમે રાહુલ ગાંધીને

બુલેટ પ્રુફ કાર આપી હતી પરંતુ તેઓ બુલેટપૃફ કાર છોડીને પાર્ટીની કારમાં  બેસી જતા હતા.

 

test

Tuesday, 01 August 2017 15:22 Written by

test

ગુજરાત માં આગામી બે દિવસ સુધી વિવિધ વિસ્તારોમાં હજુ પણ ભારે વરસાદની આગાહી કરવામાં આવી છે. જેના પગલે મુખ્યમંત્રી વિજય રૂપાણીએ સમગ્ર વહીવટીતંત્રને સ્ટેન્ડ ટુના આદેશ આપ્યા છે. જેમાં પણ બનાસકાંઠા જીલ્લામાં ઉભી થયેલી પુરની સ્થિતિને પહોંચી વળવા માટે ગાંધીનગરથી બીએસએફના ૧૨૦ જવાન, NDRFની 12 ટીમો, 2 SDRFની ટીમ,આર્મીની ૨ ટીમ રેસ્ક્યૂમાં જોડાઈ છે. જયારે બીએસએફના ૭૫ જવાનો દાંતીવાડાથી કામગીરીમાં જોડાયા હતા. જયારે મુખ્યમંત્રી વિજય રૂપાણીએ ગાંધીનગર ખાતે સ્ટેટ કન્ટ્રોલ રૂમની મુલાકાત લીધી હતી અને વરસાદની પરિસ્થિતિની સર્વગ્રાહી સમીક્ષા કરી હતી.

ઉલ્લેખનીય છે કે, રાજ્યમાં છેલ્લા પાંચેક દિવસથી વરસી રહેલા વરસાદે છેલ્લા ચોવીસ કલાક દરમિયાન ઉત્તર ગુજરાતમાં મુશળધાર વરસાદ વરસાવ્યો છે. રાજ્યના ૧૧૨ તાલુકાઓમાં નોંધપાત્ર વરસાદ થયો છે. જેમાં બનાસકાંઠા જિલ્લાના દાંતીવાડા તાલુકામાં ૩૪૨ મી.મી. એટલે કે ૧૩ ઇંચ જેટલો, પાલનપુરમાં ૨૫૫ મી.મી., અમીરગઢમાં ૨૪૬ મી.મી. મળી કુલ બે તાલુકામાં ૧૦ ઇંચ, ધાનેરામાં ૨૩૧ મી.મી., લાખણીમાં ૨૨૧ મી.મી. મળી કુલ બે તાલુકાઓમાં નવ ઇંચ અને વડગામમાં ૨૦૦ મી.મી. એટલે કે આઠ ઇંચ જેટલો વરસાદ વરસ્યો હોવાના અહેવાલો છે.

ગુજરાત ના મહિલા અને બાળ વિકાસ રાજ્ય મંત્રી નિર્મલા વાધવાણીએ જણાવ્યું છે કે, મહિલાઓના જીવનમાં સગર્ભા અને ધાત્રી અવસ્થા ખૂબ જ મહત્વની છે ત્યારે આવી મહિલાઓને પોષણક્ષમ આધાર પુરૂ પાડવા રાજ્ય સરકારે પોષણ સુધા યોજના (સ્પોટ ફિડીંગ પ્રોગ્રામ)નો નવતર અભિગમ અપનાવ્યો છે જે આશીર્વાદરૂપ નિવડશે.

સગર્ભા અને ધાત્રી માતાઓમાં પાંડુરોગમાં ઘટાડો તથા પોષણ સ્થિતિ અને પ્રસુતિના પરિણાામોમાં સુધારો કરવા આશયથી રાજ્યના પાંચ જિલ્લામાં પાયલોટ પ્રોજેકટ તરીકે આ યોજનાનો તાજેતરમાં શુભારંભ કરાયો છે., એમ જણાવી મંત્રી શ્રીમતી વાધવાણીએ કહ્યું કે, વલસાડ, છોટાઉદેપુર, મહિસાગર, નર્મદા અને દાહોદ જિલ્લાના ૧૦ તાલુકાઓમાં પોષણ સુધા યોજના શરૂ કરવામાં આવી છે. આ યોજનામાં તમામ સગર્ભા અને ધાત્રી માતાઓને આંગણવાડી કેન્દ્રો ઉપર જ રોજ એક વખત સંપૂર્ણ ભોજન પુરૂ પાડવામાં આવશે. સાથે સાથે આઇ.એફ.એ.અને કેલ્શિયમની ગોળીઓ પણ આપવામાં આવશે.

અત્રે ઉલ્લેખનીય છે કે, આ પાંચેય જિલ્લાઓમાં ૫,૪૧૪ જેટલી સગર્ભા-ધાત્રી માતાઓને પોષણક્ષમ ભોજનનો લાભ અપાયો છે અને તમામને ૧ કિલો સુખડીનું પેકેટ આપવામાં આવ્યું છે, તેમ તેમણે ઉમેર્યું હતું.

અમદાવાદ: શહેરમાં મંગળવારે સવારે ગાજવીજ સાથે બે કલાકમાં ત્રણ ઇંચ વરસાદ પડતાં નીચાણવાળા વિસ્તારોમાં પાણી ભરાઇ ગયા હતા. ધોધમાર વરસાદને લીધે મીઠાખળી અંડરબ્રિજ બંધ કરાયો હતો અને મોટાભાગની શાળાઓમાં રજા જાહેર કરવામાં આવી હતી. સવારે જ ધોધમાર વરસાદ ખાબકતાં નોકરી-ધંધાએ જતાં લોકોને હાલાકીનો સામનો કરવો પડ્યો હતો અને રસ્તાઓ પર પાણીને કારણે ટ્રાફિક જામના દ્રશ્યો સર્જાયા હતા. ખાસ કરીને વાસણા બેરેજના બે દરવાજા એક ફૂટ સુધી ખોલાયા છે.આગામી બે દિવસો દરમિયાન અમદાવાદમાં ઝરમર વરસાદ ત્યારબાદ મધ્યમથી હળવો વરસાદ પડવાની હવામાન વિભાગની વકી છે. રાજસ્થાન અને પાકિસ્તાનમાં સર્જાયેલાં અપરએર સરક્યુલેશનની અસરને કારણે આગામી 24 કલાક દરમિયાન સૌરાષ્ટ્ર અને કચ્છમાં ભારે વરસાદ પડવાની શક્યતા છે. ત્યારબાદ ચાર દિવસો દરમિયાન રાજ્યનાં મોટાભાગનાં વિસ્તારોમાં મધ્યમથી હળવા વરસાદની તેમજ દરિયાકાંઠાના વિસ્તારોમાં મધ્યમથી ભારે વરસાદ પડવાની હવામાન વિભાગ દ્વારા શક્યતા વ્યક્ત કરાઈ છે.

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવામાં આવેલી ધોરણ-૧૦, ધોરણ-૧૨ સામાન્ય પ્રવાહ અને સાયન્સની પૂરક પરીક્ષા મંગળવારે પૂર્ણ થઈ છે. પૂરક પરીક્ષા પૂર્ણ થતાં હવે બોર્ડ દ્વારા ઉત્તરવહી મુલ્યાંકનની કામગીરી શરૂ કરવામાં આવશે અને આગામી દિવસોમાં બોર્ડ દ્વારા પૂરક પરીક્ષાનું પરિણામ જાહેર કરાશે. પૂરક પરીક્ષા દરમિયાન કુલ ૨૫ કોપી કેસ નોંધાયો છે.

પ્રાપ્ત માહિતી અનુસાર ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ૮ જુલાઈથી પૂરક પરીક્ષા શરૂ કરવામાં આવી છે. જેમાં ધોરણ-૧૦ના ૫૩ હજાર, ધોરણ-૧૨ સામાન્ય પ્રવાહના ૫૨ હજાર જેટલા અને સાયન્સના ૪૨ હજાર જેટલા વિદ્યાર્થીઓ પરીક્ષા માટે નોંધાયા હતા. ચાર દિવસ બાદ ૧૧ જુલાઈના રોજ ધોરણ-૧૦ અને ધોરણ-૧૨ સામાન્ય પ્રવાહ અને સાયન્સની પરીક્ષા પૂર્ણ થઈ છે. પૂરક પરીક્ષામાં મોટાભાગના પેપરો સરળ રહેતા વિદ્યાર્થીઓએ રાહત અનુભવી છે. 

પૂરક પરીક્ષા દરમિયાન કુલ ૨૫ કોપી કેસ નોંધાયા હતા. જેમાં ધોરણ-૧૦ના કુલ ૧૪ વિદ્યાર્થીઓ કોપી કરતા પકડાયા હતા. જ્યારે ધોરણ-૧૨ સામાન્ય પ્રવાહમાં ૧ કોપી કેસ નોંધાયો હતો. જ્યારે સાયન્સની પરીક્ષામાં ૧૦ કોપી કેસ નોંધાયા હતા. આમ, ધોરણ-૧૦ અને ધોરણ-૧૨ સામાન્ય પ્રવાહ તથા સાયન્સના મળી કુલ ૨૫ વિદ્યાર્થીઓ સામે કોપી કેસ કરવામાં આવ્યો હતો. બોર્ડ દ્વારા લેવાયેલી પૂરક પરીક્ષા પૂર્ણ થયા બાદ હવે બોર્ડ દ્વારા ઉત્તરવહી મુલ્યાંકનની કામગીરી શરૂ કરવામાં આવશે અને ટૂંકાગાળામાં બોર્ડ દ્વારા પરિણામ તૈયાર કરી જાહેર કરવામાં આવશે તેમ સુત્રોએ જણાવ્યું હતું.

અમદાવાદ શહેરને UNESCOએ વર્લ્ડ હેરીટેઝ સાઈટ તરીકે જાહેર કર્યું છે. અમદાવાદ શહેરમાં આવેલા ૨૬ ઐતિહાસિક સ્મારકોની મુલાકાત બાદ UNESCOની ટીમે તેનો સર્વે રીપોર્ટ તૈયાર કર્યો હતો. જેના આધારે યુનેસ્કોએ આ જાહેરાત કરી હતી.અમદાવાદ શહેર ભારતનું પ્રથમ હેરીટેઝ શહેર છે.

ઉલ્લેખનીય છે કે અમદાવાદ મહાનગરપાલિકાએ યુનેસ્કોમાં ઐતિહાસિક શહેર અમદાવાદને વર્લ્ડ હેરીટેઝ સીટીમાં સામેલ કરવા નોમીનેશન ડોઝીયરની ચકાસણી માટે યુનેસ્કોની ટેકનીકલ સંસ્થા ૨૭ સપ્ટેમ્બરથી ૪ દિવસ માટે અમદાવાદની મુલાકાત લીધી હતી. જેમાં આઈકોમોસ એક્સપર્ટ સિવાય એ.એસ. આઈ. ન્યુ દિલ્હીના ઉચ્ચ અધિકારીઓ સામેલ થયા હતા. યુનેસ્કોની ટીમ ૨૮ સપ્ટેમ્બર થી ૩૦ સપ્ટેબરથી શહેરની જુદી જુદી ઐતિહાસિક ઈમારતો , સ્થળો અને કોટ વિસ્તારમાં આવેલી પોળ અને હેરીટેઝ મિલકતની મુલાકાત લીધી હતી.

અમદાવાદ મહાનગરપાલિકા અને એ.એસ.આઈ દ્વારા શહેરના ઐતિહાસિક વારસાનું જતન કરવામાં આવી રહ્યું છે. જેનું યુનેસ્કોની ટીમ મૂલ્યાંકન કર્યું હતું આ મૂલ્યાંકનનો રીપોર્ટ એક્સપર્ટ દ્વારા યુનેસ્કોને સુપત્ર કરવામાં આવ્યો હતો. તેની બાદ યુનેસ્કોએ વર્લ્ડ હેરીટેઝ સીટીનો દરજ્જો આપવા અંગેનો નિર્ણયની આજે જાહેરાત કરી હતી.

અમદાવાદ શહેર અદભુત સ્થાપત્ય અને એતિહાસિક મહત્વ ધરાવતા સ્થાનોથી ભરપુર છે. જેમાં પણ અમદાવાદ શહેરમાં મુસ્લિમ શાસકોના સમયમાં તે સમયના શ્રેષ્ઠ કારીગરોએ કેટલાંક મહત્વના સ્થળોનું નિર્માણ કર્યું હતું . તેમજ તે સિવાય પણ અન્ય સ્થાપત્યોનું અમદાવાદ શહેરમાં નિર્માણ થયું છે . જે આજે પણ તેના જુના શિલ્પ સ્થાપત્ય અને ઐતિહાસિકતાને લીધે જાણીતાં છે

ગુજરાત ના ઇમરજન્સી ઓપરેશન સેન્ટર દ્વારા મળેલા અહેવાલો રાજ્યમાં વ્યાપક વરસાદને કારણે રાજયના ૨૦૩ જળાશયો પૈકી ૦૪ જળાશયો હાઇ એલર્ટ તેમજ ૦૪ જળાશયો એલર્ટ જાહેર કરાયા છે. રાજ્યના ૨૦૩ જળાશયોની પાણી સંગ્રહની ક્ષમતા કુલ ૧૫૭૭૦.૩૯ મિલિયન કયુબીક મીટર પૈકી હાલમાં ૪૯૮૬.૩૭ મિલિયન કયુબીક મીટર પાણીનો સંગ્રહ થયો છે.

જયારે ગુજરાતની જીવાદોરી સમાન નર્મદા યોજના સરદાર સરોવર ડેમ ૧૧૫.૦૨ મીટરની સપાટીએ પહોંચ્યો છે. વધુમાં જળાશયોમાં ૯૦ ટકાથી વધુ પાણીનો સંગ્રહ થતાં કચ્છ જિલ્લાના ફતેહગઢ, મોરબી જિલ્લાના ડેમી-૩, રાજકોટ જિલ્લાના ખોડાપીપર અને સુરેન્દ્રનગર જિલ્લાના ધોળીધજા એમ કુલ-૦૪ જળાશયો માટે હાઇ એલર્ટ જાહેર કરવામાં આવ્યું છે.

આ ઉપરાંત ભરૂચ જિલ્લાના ધોલી, જામનગર જિલ્લાના ઉન્ડ-ર, મોરબી જિલ્લાના મચ્છ-ર અને ડેમી-ર એમ મળી કુલ ૦૪ને એલર્ટ તેમજ મોરબી જિલ્લાના ઘોડાધ્રોઇ જળાશય માટે ચેતવણી આપવામાં આવી છે.

ગુજરાત  માં છેલ્લા ત્રણ દિવસથી થઈ રહેલા સાર્વત્રિક વરસાદના પગલે લોકોએ રાહત અનુભી છે. જો કે રાજ્યના ઉત્તર ગુજરાત અને સૌરાષ્ટ્રના કેટલાંક વિસ્તારોમાં એક સાથે ૧૨ જેટલો વરસાદ ખાબકી જતા આ વિસ્તારમાં પુરની જેવી સ્થિતિનું નિર્માણ થયું છે. જેમાં મોરબી જીલ્લાના ટંકારામાં અને ગીર સોમનાથના કોડીનારમાં ૧૩ ઇંચ વરસાદ નોંધાયો હતો.જેના લીધે કેટલાંક ગામો ટાપુમાં ફેરવાઈ ગયા છે. કેટલાંક બંધોપણ ઓવરફલો થયા છે. ઉત્તર ગુજરાતના બનાસકાંઠા જીલ્લાના ભાભર, થરાદ,સુઈ ગામ તથા પાટણ શહેરમાં પણ ભારે વરસાદ નોંધાયો છે.

ટંકારામાં એનડીઆરએફની ટીમે ૧૫ જેટલાં લોકોને સલામત સ્થળે ખસેડ્યા હતા. તેમજ પાંચ દિવસ સુધી વરસાદની આગાહીના પગલે સરકારે ગાંધીનગર, વડોદરા,સુરત અને રાજ્કોટના એનડીઆરએફની છ ટીમ સ્ટેન્ડ ટુ રાખવામાં આવી છે.

અમદાવાદ સહિત રાજયમાં અનેક સ્થળોએ વરસાદ નોંધાયો છે. જેમાં અમદાવાદ શહેરમાં ત્રણ જેટલો વરસાદ નોંધાયો હતો જેના પગલે વાસણા બેરેજના બે દરવાજા ખોલી દેવામાં આવ્યા હતા.