બોલીવૂડ હાલમાં દક્ષિણની ફિલ્મો સામે મોટો પડકાર ઝિલી રહ્યું છે ત્યારે એક રાહતના સમાચાર આવ્યા છે. 29 જુલાઈના રોજ રિલીઝ થયેલી ફિલ્મ એક વિલન રિટર્ન્સે પ્રથમ દિવસે ગ્રાન્ડ ઓપનિંગ મેળવ્યું છે. જ્હોન અબ્રાહમ, અર્જુન કપૂર, દિશા પાટની અને તારા સુતરિયા સ્ટારર ફિલ્મે પ્રથમ દિવસે એવરેજ સાત કરોડની કમાણી કરી છે. આ સાથે જ એક વિલન રિટર્સન 2022માં આવેલી ફિલ્મોમાં 7મી ગ્રાન્ડ ઓપનિંગ કરનાર બોલીવૂડ મૂવી રહી છે. ફિલ્મને દર્શકો તેમજ ક્રિટિક્સ તરફથી સારા રિવ્યૂ નથી મળ્યા.
એક વિલન રિટર્ન્સ 2014માં રિલીઝ થયેલી ફિલ્મ એક વિલનની સીક્વલ છે. આ મૂવીએ પ્રથમ દિવસે 7.05 કરોડની કમાણી કરી હોવાનું નિર્માતાઓએ જણાવ્યું છે. પીવીઆર, આઈનોક્સ અને સિનેપોલિસ દ્વારા આ ફિલ્મને રૂ. 3.10 કરોડની કમાણી થઈ છે. જ્યારે અન્ય થીયેટર્સથી આ ફિલ્મને રૂ. 3.95 કરોડનું કલેક્શન થયું હતું. શનિવાર અને રવિવારના આ ફિલ્મને વધુ કમાણીનો લાભ મળી શકે છે અને તેનું કલેક્શન ઊંચું જવાની અપેક્ષા છે.
