કેન્દ્ર સરકારે ઘરેલુ રાંધણ ગેસ સિલિન્ડરના ભાવમાં 50 રૂપિયાનો વધારો કર્યો છે. પેટ્રોલિયમ મંત્રી હરદીપ સિંહ પુરીએ માહિતી આપી છે કે ઘરેલુ ગેસ સિલિન્ડરના ભાવમાં 50 રૂપિયાનો વધારો કરવામાં આવશે. ગેસ સિલિન્ડરના ભાવમાં છેલ્લે 9 માર્ચ 2024ના રોજ ફેરફાર કરવામાં આવ્યો હતો. ત્યારબાદ સરકારે ગેસ સિલિન્ડરના ભાવમાં 100 રૂપિયાનો ઘટાડો કર્યો હતો.ખાસ વાત એ છે કે માર્ચ 2023 પછી ઘરેલુ ગેસ સિલિન્ડરના ભાવમાં 50 રૂપિયાનો વધારો કરવામાં આવ્યો છે. બીજી તરફ, સરકારે પેટ્રોલ અને ડીઝલના ભાવમાં પણ કર્યો છે. જો કે સરકારે એવું પણ કહ્યું છે કે, પેટ્રોલ અને ડીઝલના ભાવ ટૂંક સમયમાં ઘટાડવામાં આવી શકે છે.પેટ્રોલિયમ મંત્રી હરદીપ સિંહ પુરીએ માહિતી આપી છે કે ઘરેલુ ગેસ સિલિન્ડરના ભાવમાં 50 રૂપિયાનો વધારો કરવામાં આવશે. ત્યારબાદ દેશની રાજધાની દિલ્હીમાં ગેસ સિલિન્ડરના ભાવ 803 રૂપિયાથી વધીને 853 રૂપિયા થશે. કોલકાતામાં ભાવ 829 રૂપિયાથી વધીને 879 રૂપિયા, મુંબઈમાં 802.50 રૂપિયાથી વધીને 853.50 રૂપિયા અને ચેન્નાઈમાં ઘરેલુ ગેસ સિલિન્ડરના ભાવ 818.50 રૂપિયાથી વધીને 868.50 રૂપિયા થશે. બીજી તરફ, ઉજ્જવલા યોજના હેઠળ આપવામાં આવતા ગેસ સિલિન્ડરના ભાવમાં પણ વધારો કરવામાં આવ્યો છે. ઉજ્જવલા યોજનાનો ગેસ સિલિન્ડર જે 500 રૂપિયામાં મળતો હતો તે હવે 550 રૂપિયામાં મળશે. નવા ભાવ આજ થી અમલમાં આવશે.
