ચીનમાં આતંક ફેલાવનાર કોરોના વાયરસના આંતકનો ભારતમાં પગ પેસારો થયો હોવાનાં લક્ષણો જણાઈ રહ્યાં છે. પહેલા રાજસ્થાન અને પછી બિહારમાં એમ બે કોરોના વાયરસનાં કેસ સામે આવ્યાં છે. રાજસ્થાનનાં જયપુરની હોસ્પિટલમાં એક યુવક તથા બિહારમાં એક યુવતી એમ 2 લોકોમાં કોરાના વાયરસના લક્ષણો જોવા મળ્યાં છે.
જયપુરમાં રવિવારે સવારે કોરોના વાયરસનો શંકાસ્પદ કેસ સામે આવ્યો છે. અહીંની સરકારી હોસ્પિટલમાં એક યુવકને દાખલ કરવામાં આવ્યો છે. જે ચીનમાં અભ્યાસ કરીને આવ્યો છે. તેમાં આ વાયરસનાં લક્ષણો જોવા મળી રહ્યાં છે. તેનાં સેમ્પલ ટેસ્ટ માટે મોકલવામાં આવ્યાં છે. જોકે હોસ્પિટલનાં સુપ્રિટેન્ડેન્ટ ડીએસ મીણાએ કોરાના વાયરસની ખરાઈ કરી નથી.