૧૪મી ઍશિયન શૂટિંગ ચૅમ્પિયનશિપમાં ગઈ કાલે પુરુષોની દસ મીટર ઍર રાઇફલમાં ભારતના શૂટર દીપક કુમારે બ્રૉન્ઝ મેડલ જીત્યો છે. આ સાથે તેણે ભારત માટે ટોક્યો ઑલિમ્પિકમાં એન્ટ્રી કરવાની ટિકિટ પણ પ્રાપ્ત કરી લીધી છે.
દીપકે ટુર્નામેન્ટના ક્વૉલિફાઇંગ રાઉન્ડમાં કુલ ૬૨૬.૮ પૉઇન્ટ્સ બનાવીને ત્રીજા સ્થાને રહીને આઠ ખેલાડીઓના ફાઇનલ રાઉન્ડમાં પ્રવેશ કર્યો હતો. ભારત આ ચૅમ્પિયનશિપ પહેલાં ટોક્યો માટે નવ કોટા મેળવી ચૂક્યું છે તથા એ એશિયન ક્ષેત્રમાં ચીન (૨૫ કોટા), કોરિયા (૧૨) અને યજમાન જપાન (૧૨) બાદ ચોથા નંબર પર છે.