ભારતનું પ્રતિનિધિત્વ કરતી સરગમ કૌશલને આજે એટલે કે 18 ડિસેમ્બર 2022ના રોજ લાસ વેગાસમાં મિસિસ વર્લ્ડનો તાજ પહેરાવવામાં આવ્યો હતો. મિસિસ કૌશલે 21 વર્ષ પછી ભારતમાં ખિતાબ પાછો લાવવા માટે 63 દેશોના સ્પર્ધકોને પાછળ છોડી દીધા. મિસિસ ઈન્ડિયા પેજન્ટના આયોજકોએ ઈન્સ્ટાગ્રામ પર સમાચાર શેર કરતા કહ્યું કે, “લાંબા પ્રતીક્ષાનો અંત આવ્યો, અમને 21 વર્ષ પછી તાજ પાછો મળ્યો છે!” જમ્મુ અને કાશ્મીરની રહેવાસી સરગમ કૌશલે પણ એક વીડિયો શેર કર્યો છે જેમાં જણાવવામાં આવ્યું છે કે તે ટાઈટલ જીત્યા બાદ કેટલી ખુશ છે.મિસિસ કૌશલની ઇન્સ્ટાગ્રામ પોસ્ટ અનુસાર, તેણીએ અંગ્રેજી સાહિત્યમાં ગ્રેજ્યુએશનની ડિગ્રી મેળવી છે. તેણીએ અગાઉ શિક્ષિકા તરીકે કામ કર્યું છે અને એ પણ શેર કર્યું છે કે તેના પતિ ભારતીય નૌકાદળ માટે કામ કરે છે. વીડિયો શેર કરતા તેણે લખ્યું કે, અમને 21-22 વર્ષ બાદ તાજ પાછો મળ્યો છે. હું ખૂબ જ ઉત્સાહિત છું.સરગમ કૌશલ જમ્મુ-કાશ્મીરની રહેવાસી છે. સરગમ મોડલ હોવા ઉપરાંત ટીચર પણ છે. તેણે વર્ષ 2018માં ઘણી સૌંદર્ય સ્પર્ધાઓમાં ભાગ લીધો હતો અને તે જ વર્ષે તેણે મિસિસ ઈન્ડિયા 2022માં પણ ભાગ લીધો હતો. હવે તેણે મિસિસ વર્લ્ડ 2022માં મિસિસ ઈન્ડિયા તરીકે ભાગ લીધો અને તાજ જીત્યો. સરગમ કૌશલના પતિ ભારતીય નેવીમાં છે. સરગમ અગાઉ આંધ્રપ્રદેશના વિશાખાપટ્ટનમમાં ટીચર હતી. તેણે અંગ્રેજી સાહિત્યમાં પોસ્ટ ગ્રેજ્યુએશન કર્યું છે.