અમેરિકાના રાષ્ટ્રપતિ જો બાઈડેનની ચેતવણી અને પ્રતિબંધો પણ રશિયાને રોકવામાં નિષ્ફળ સાબિત થઈ રહ્યા છે. રિપોર્ટ્સ છે કે રશિયાની સેનાએ યુક્રેનના ખેરસોન શહેરને સરળતાથી પોતાના કબજામાં લઈ લીધુ છે અને તેના સૈનિકો ખારકિવમાં પણ ઘૂસી ગયા છે. CNN ના રિપોર્ટ મુજબ વેબકેમ અને વીડિયો સ્ક્રીનશોટને જિયોલોકેટેડ કરાયા છે. જેનાથી જાણવા મળે છે કે રશિયાની સેના ખારસોનમાં હાજર છે. રિપોર્ટમાં જાણવા મળ્યું છે કે મંગળવારે ઉત્તરી ખેરસોનમાં એક ચાર રસ્તે રશિયાના સૈન્ય વાહનો જોવા મળ્યા છે. વેબકેમના સ્ક્રીનશોટમાં કેન્દ્રીય ખેરસોનમાં સ્વોબોડી સ્વેર પર રશિયન સૈન્ય વાહનો જોવા મળી રહ્યા છે. ખેરસોન સ્થાનિક પ્રશાસન ભવન સ્વોબોડી સ્ક્વેર પર આવેલું છે. અનેક દિવસની ગોળાબારી અને ભીષણ લડાઈ બાદ મંગળવારે રશિયન સેના શહેરના પૂર્વ ભાગમાં જોવા મળી હતી. રશિયન બેરોકટોક ખેરસોનમાં ઘૂમી રહ્યા છે. જેનાથી એ પણ જાણવા મળે છે કે ક્રિમિયાથી રશિયાની સેના આગળ વધી છે ને નીપર નદી પાર એક ક્રોસિંગ સ્થાપિત કર્યું છે. સીએનએનએ જણાવ્યું કે મંગળવાર બપોરે ખેરસોનના મેયર ઈગોર કોલખેએવે ફેસબુક પર એક કડક સંદેશો પોસ્ટ કર્યો. જેમાં ચેતવણી અપાઈ હતી કે શહેર પર હુમલા થઈ રહ્યા છે. તેમણે લખ્યું હતું કે આવાસીય ભવન અને શહેરી સુવિધાઓ બળી રહી છે.
