પીએમ મોદી એક દિવસ ગુજરાતના પ્રવાસે આવ્યા હતા. દેડિયાપાડા ખાતે આયોજિત આ સભામાં વડાપ્રધાન મોદીએ 9700 કરોડથી વધુના વિવિધ વિકાસ કાર્યોનો શિલાન્યાસ કર્યો હતો. આ દરમિયાન લોકોને સંબોધિત કરતા તેમણે બિહારની જીતને ઐતિહાસિક ગણાવી અને વિપક્ષની આકરી ટીકા કરી હતી. તેમણે કહ્યું કે આ ચૂંટણીમાં, બિહારના લોકોએ જાતિવાદના ઝેરને નકારી કાઢ્યું છે. છેલ્લા બે વર્ષથી આ જમાનતી નેતાઓ બિહાર જઈને જાતિવાદ-જાતિવાદનું ભાષણ આપી રહ્યા હતા. જેટલી તાકાત હતી તેમણે જાતિવાદનું ઝેર ફેલાવવાનો પ્રયાસ કર્યો. પરંતુ બિહારની આ ચૂંટણીએ જાતિવાદના આ ઝેરને સંપૂર્ણપણે નકારી કાઢ્યું છે.
પીએમ મોદીએ કહ્યું કે આ ચૂંટણીમાં વિજેતા NDA ગઠબંધન અને પરાજિત મહાગઠબંધન વચ્ચે 10 ટકા વોટનો તફાવત છે, જે ઘણી મોટી વાત છે. આનો અર્થ એ છે કે સામાન્ય મતદાતાએ એકતરફી મતદાન કર્યું, આ બિહારના વિકાસ પ્રત્યે લલક છે.
