સોમવારે સવારે ગુજરાતના કચ્છ જિલ્લામાં 4.2ની તીવ્રતાનો ભૂકંપ આવ્યો હતો. સિસ્મોલોજીકલ રિસર્ચ ઈન્સ્ટિટ્યૂટ (ISR)એ આ જાણકારી આપી છે. અધિકારીઓએ જણાવ્યું છે કે ભૂકંપના કારણે કોઈ જાનહાનિ કે સંપત્તિને નુકસાન થયું હોવાની હાલ માહિતી મળી નથી.
ગાંધીનગર સ્થિત ISRએ તેની વેબસાઇટ પર જણાવ્યું હતું કે સવારે 6.38 વાગ્યે 4.2ની તીવ્રતાનો ભૂકંપ અનુભવાયો હતો અને તેનું કેન્દ્ર કચ્છના દુધઇ ગામથી 11 કિમી ઉત્તર-ઉત્તરપૂર્વમાં હતું. તે પહેલા સવારે 5.18 કલાકે 3.2ની તીવ્રતાનો આંચકો આવ્યો હતો અને તેનું કેન્દ્રબિંદુ જિલ્લાના ખાવડા ગામથી 23 કિમી પૂર્વ-દક્ષિણપૂર્વમાં હતું, ISR એ જણાવ્યું હતું.
