ટાઇગર શ્રોફની ‘સ્ક્રૂ ઢીલા’નો ઇન્ટ્રોડક્શન વિડિયો હાલમાં જ રિલીઝ કરવામાં આવ્યો છે. એ ૩ મિનિટના વિડિયોમાં ટાઇગર દિલધડક ઍક્શન કરતો દેખાઈ રહ્યો છે. આ ફિલ્મમાં તેની સાથે રશ્મિકા મંદાનાએ હાજરી આપી હતી. શશાંક ખૈતાન એને ડિરેક્ટ કરી રહ્યો છે. કરણ જોહર, હિરુ યશ જોહર, અપૂર્વ મહેતા અને શશાંક ખૈતાને સાથે મળીને પ્રોડ્યુસ પણ કરી છે. એ વિડિયોને કરણ જોહરે શૅર કર્યો છે. એમાં દેખાડવામાં આવે છે કે એક વ્યક્તિ તેને મારે છે તો ટાઇગર કહે છે કે હું પીટી ટીચર અખિલેશ મિશ્રા છું. તમને કોઈ ગેરસમજ થઈ છે. જોકે એ દરમ્યાન એક યુવતીનો વિડિયો તેને દેખાડવામાં આવે છે, એમાં તે તેને જૉની કહીને બોલાવે છે. બસ, પછી તો ટાઇગર અચાનક સનકી બની જાય છે અને તે ખૂબ ફાઇટિંગ કરે છે. આ વિડિયોને ઇન્સ્ટાગ્રામ પર શૅર કરીને કરણ જોહરે કૅપ્શન આપી હતી, ‘એન્ટરટેઇનમેન્ટનો સૉલિડ પંચ લઈને આવ્યા છીએ. ટાઇગર શ્રોફને ‘સ્ક્રૂ ઢીલા’માં પ્રેઝન્ટ કરવા માટે એક્સાઇટેડ છું. ઍક્શનની આ નવી દુનિયાને શશાંક ખૈતાને ડિરેક્ટ કરી છે.’
