‘સેમીકન્ડક્ટર ઇન્વેસ્ટમેન્ટ માટે ભારત એક શાનદાર કન્ડક્ટર બની રહ્યું છે’

ગુજરાતના પાટનગર ગાંધીનગરમાં વડા પ્રધાન નરેન્દ્ર મોદીએ બીજી સેમીકૉન ઇન્ડિયા–૨૦૨૩નો પ્રારંભ કરાવતાં કહ્યું કે ‘ભારત પર દુનિયાનો ભરોસો લગાતાર વધી રહ્યો છે, કેમ કે અહીં સ્ટેબલ રિસ્પૉન્સિબલ અને રિફૉર્મ ઓરિયેન્ટેડ ગવર્નમેન્ટ છે.’ તેમણે દેશ-વિદેશની કંપનીઓના વડાઓને વિશ્વાસ આપતાં કહ્યું કે ‘ભારત કોઈને નિરાશ કરતું નથી. એકવીસમી સદીના ભારતમાં તમારે માટે અવસર જ અવસર છે. ભારતની ડેમોક્રસી, ડેમોગ્રાફીથી મળનાર ડિવિડન્ડ આપના બિઝનેસને પણ ડબલ-ટ્રિપલ કરનાર છે.’