ગાંધીનગર ની રેસ્ટોરેન્ટ માં હાઇ પ્રોફાઇલ હુક્કાબાર નો પર્દા ફાર્શ Featured

Monday, 10 July 2017 15:55 Written by  Published in ગાંધીનગર Read 2233 times
ગાંધીનગર તાલુકાનાં કોબા વિસ્તારમાં આવેલી શામિયાણા અનડીસ્કવર રેસીપી નામની રેસ્ટોરન્ટમાંથી હાઇ પ્રોફાઇલ હુક્કાબાર એલસીબી દ્વારા પકડવાનાં બનાવમાં ઇન્ફોસીટી પોલીસ સ્ટેશનનાં પીઆઇની તાત્કાલીક અસરથી જિલ્લા પોલીસ વડા દ્વારા બદલી કરી દેવામાં આવી છે. ઇન્ફોસીટી પોલીસ સ્ટેશનની હદમાં આવતી શામીયાણા રેસ્ટોરન્ટમાં ગાંધીનગર લોકલ ક્રાઇમ બ્રાંચની ટીમે શનીવારે દરોડો પાડીને હાઇ પ્રોફાઇલ હુક્કાબારમાં 45 યુવા-યુવતીઓને પકડ્યા બાદ પોલીસની હાલત કફોડી થઇ ગઇ હતી.ઇન્ફોસીટી પોલીસની આ ગફલત કે નજર અંદાઝી સબબ પીઆઇ કે એમ પ્રિયદર્શીની લીવ રીઝર્વમાં બદલી કરી નાંખવામાં આવી છે. આ ઘટનાની ખાતાકીય તપાસ DySP એમ જે સોલંકીને સોંપાઈ છે. જેમાં ઇન્ફોસીટી પોલીસ સ્ટેશનનાં સ્ટાફની કોઇ ભુમિકા છે કે નહી, ઇન્ફોસીટી પોલીસને હુક્કાબારની જાણ હતી કે નહી વગેરે બાબતોની તપાસ થશે. સુત્રો મુજબ આ બનાવમાં ઇન્ફોસીટી પોલીસને ગફલત ભારે પડી છે. કાયદો લાગુ પડ્યો ત્યારે તપાસ કરી ત્યારે માત્ર હર્બલ ફ્લેવર જ વાપરવામાં આવતી હોવાનું સંચાલકે જણાવેલું. હુક્કાબાર પ્રતિબંધનો કાયદો લાગુ પડ્યા બાદ પોલીસે ગંભીરતા ન દાખવી જેથી પોલીસ સામે સવાલ ઉઠ્યા છે.
એલસીબીએ શનિવારે દરોડો પાડ્યા બાદ શામીયાણાનાં મેનેજર ધર્મેતી શરદ પવાર, માલીક નરેન્દ્ર હરજી મણીયા તથા તેમનાં પુત્ર વિપુલ સામે તમાકુ અધિનિયમ 23(1) હેઠળ ગુનો દાખલ કરવામાં આવ્યો હતો. જેમાં આરોપી પિતા-પુત્ર ફરાર છે. ધર્મેતીને કોર્ટમાં રજુ કરીને જામીન પર મુક્ત કર્યો હતો. બનાવની તપાસ સિની. PSI ડી બી વાળાને સોંપાઈ છે.
સુત્રોનાં જણાવ્યાનુંસાર શામિયાણામાં 8 માસથી હુક્કાબાર ચાલતો હતો. પોલીસ તપાસ કરતી ત્યારે હર્બલ ફ્લેવર જ વપરાતી હોવાનું જણાવતા હતા. પરંતુ હર્બલની આડમાં પ્રતિબંધીત તમાકુનો વપરાશ કરવામાં આવતો હતો.
Super User

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.