GSEB દ્વારા લેવામાં આવેલી ધોરણ 10 અને 12ની પૂરક પરીક્ષા પૂર્ણ Featured

Wednesday, 12 July 2017 16:48 Written by  Published in ગુજરાત Read 73 times

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા લેવામાં આવેલી ધોરણ-૧૦, ધોરણ-૧૨ સામાન્ય પ્રવાહ અને સાયન્સની પૂરક પરીક્ષા મંગળવારે પૂર્ણ થઈ છે. પૂરક પરીક્ષા પૂર્ણ થતાં હવે બોર્ડ દ્વારા ઉત્તરવહી મુલ્યાંકનની કામગીરી શરૂ કરવામાં આવશે અને આગામી દિવસોમાં બોર્ડ દ્વારા પૂરક પરીક્ષાનું પરિણામ જાહેર કરાશે. પૂરક પરીક્ષા દરમિયાન કુલ ૨૫ કોપી કેસ નોંધાયો છે.

પ્રાપ્ત માહિતી અનુસાર ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ૮ જુલાઈથી પૂરક પરીક્ષા શરૂ કરવામાં આવી છે. જેમાં ધોરણ-૧૦ના ૫૩ હજાર, ધોરણ-૧૨ સામાન્ય પ્રવાહના ૫૨ હજાર જેટલા અને સાયન્સના ૪૨ હજાર જેટલા વિદ્યાર્થીઓ પરીક્ષા માટે નોંધાયા હતા. ચાર દિવસ બાદ ૧૧ જુલાઈના રોજ ધોરણ-૧૦ અને ધોરણ-૧૨ સામાન્ય પ્રવાહ અને સાયન્સની પરીક્ષા પૂર્ણ થઈ છે. પૂરક પરીક્ષામાં મોટાભાગના પેપરો સરળ રહેતા વિદ્યાર્થીઓએ રાહત અનુભવી છે. 

પૂરક પરીક્ષા દરમિયાન કુલ ૨૫ કોપી કેસ નોંધાયા હતા. જેમાં ધોરણ-૧૦ના કુલ ૧૪ વિદ્યાર્થીઓ કોપી કરતા પકડાયા હતા. જ્યારે ધોરણ-૧૨ સામાન્ય પ્રવાહમાં ૧ કોપી કેસ નોંધાયો હતો. જ્યારે સાયન્સની પરીક્ષામાં ૧૦ કોપી કેસ નોંધાયા હતા. આમ, ધોરણ-૧૦ અને ધોરણ-૧૨ સામાન્ય પ્રવાહ તથા સાયન્સના મળી કુલ ૨૫ વિદ્યાર્થીઓ સામે કોપી કેસ કરવામાં આવ્યો હતો. બોર્ડ દ્વારા લેવાયેલી પૂરક પરીક્ષા પૂર્ણ થયા બાદ હવે બોર્ડ દ્વારા ઉત્તરવહી મુલ્યાંકનની કામગીરી શરૂ કરવામાં આવશે અને ટૂંકાગાળામાં બોર્ડ દ્વારા પરિણામ તૈયાર કરી જાહેર કરવામાં આવશે તેમ સુત્રોએ જણાવ્યું હતું.

Super User

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.